БИШКЕК, 16-окт. — Sputnik. Бишкекте 14-октябрь күнү эл аралык издөөдө жүргөн диний-экстремисттик уюмдун мүчөсү кармалды. Бул туурасында Улуттук коопсуздук мамлекеттик комитети кабарлады.
Задержанный по подозрению в экстремизме
© Фото / пресс-служба ГКНБ
Билдирмеге караганда, контртеррордук иш-чаралардын жүрүшүндө террордук жана экстремисттик иштерге байланышы бар делип ШКУга кирген мамлекеттердин атайын кызматтары тарабынан изделип жаткан жаран кармалды. Ал экстремисттик мүнөздөгү кылмыш жасаганы үчүн эл аралык издөөгө алынган. Кармалган жаран 41 жаштагы КМШга кирген өлкөлөрдүн биринин жараны.
Учурда аны менен байланышы бар адамдарды издөө иштери жүрүп жатат.
