Ал өз сөзүндө кыргыз элинин бери дегенде үч миң жылдык тарыхы бар экенин баса белгиледи.
"Үч миң жылдык тарыхы бар эл үч күндүк блокададан коркуп кетпейт деп ойлойм. Биздин эл үчүн жашоодон дагы намыс бийик турат. Башыбыздан көп сыноо өттү, мисалы, 2010-жылкы 1,5 айлык блокададан деле өткөнбүз. Бүгүнкү мыйзамсыздыкты дагы жеңип, эгемендүүлүгүбүздү коргоп калабыз", — деди Атамбаев.
7-октябрь күнү президент Алмазбек Атамбаев "Ала-Арча" резиденциясында мамлекеттик сыйлыктарды тапшырып жатып, Казакстандагы айрым кишилердин аракетин сынга алган.
Андан киийн Казакстандын премьер-министри Бакытжан Сагинтаев Кыргызстандын президенти Алмазбек Атамбаевдин казак бийлиги тууралуу айткандары боюнча билдирүү жасаган.
Ал эми 10-октябрь күнү кыргыз-казак чек арасында Казакстанга киргизүү боюнча көйгөйлөр жаралган.
