БИШКЕК, 12-окт. — Sputnik. Президент Алмазбек Атамбаев бейшемби күнү Оштогу футбол академиясынын ачылышына катышты.
Президент 80 бала жашап, билим алууга ылайыкталган жаңы академиянын ачылышы менен куттуктап, эки бразилиялык машыктыруучу эмгектенип жатканына абдан кубанычта экенин билдирди.
"Мен аларга Кыргызстандан жаңы Пелени күтүп жатканымды айттым. Алар мага сөз беришти. I wait Pele", — деди Атамбаев.
Ал ошондой эле Оштун тургундарын ынтымакка чакырып, саясатчылардын провокациясына алдырбоону өтүндү.
Долбоор FIFA менен Кыргызстандын Футбол федерациясы тарабынан ишке ашкан. Иш-чарага президент Алмазбек Атамбаев катышып жатат.
Академиянын курулушу 2012-жылы башталган. Буга FIFA бир миллион сом жумшаган. Академияда түштүк аймактагы облустардан келген 80 бала жашай алат. Анда төрт мини жана эки чоң футбол талаасы бар. Балдарды Россия, Бразилия жана Кыргызстандын машыктыруучулары тарбияламакчы.
