БИШКЕК, 10-окт. — Sputnik. Түштүк Кореянын иммиграция кызматы кытайлык үч кызды мамлекеттен чыгарбай жатканын Daily Mirror басылмасы жазды.
Women held at airport after surgery left them looking nothing like passport pics https://t.co/s0BYgulo94 pic.twitter.com/No1Dg5XNw4
— Daily Mirror (@DailyMirror) 9 октября 2017 г.
Билдирүүдө кытайлыктар Кореяга барып, беттерине пластикалык операция жасаткандан кийин паспорттогу сүрөттөрүнө таптакыр окшошпой калганы айтылат.
Социалдык тармактарда беттери шишип, баштары бинт менен оролгон кыздардын аэропортто отурган сүрөтү тарап кетти. Алар паспорттук көзөмөл пунктунда кармалган.
Басылманын жазганына караганда, кыздарды өз өлкөсүнө чыгардыбы же жокпу азырынча белгисиз.
Ушундай окуяга "куурчак адам" деген каймана ат менен таанымал бразилиялык Родриго Алвес дагы кабылган. Аны Дубай аэропортунун кызматкерлери өзүнүн паспортун көрсөтүп жаканына ишенбей, үч саатча кармап турушкан.
