Иманакун уулу: жерди басып алгандар алты жылга камалат

Жерди басып алгандар алты жылга камалат. Бул тууралуу Бишкек мэриясынын Жер пайдалануу жана курулуш башкармалыгынын башчысы Талантбек Иманакун уулу Sputnik Кыргызстан радиосуна маек куруп жатып билдирди.

Анын айтымында, учурда мыйзамсыз жерди басып алууларга көзөмөл күчөтүлгөн.

"Азыркы маалда Бишкек шаарынын аймагы 47 жаңы конуш менен чектелди. Кайсыл бир жаран шаардагы жерди басып ала турган болсо же мыйзамсыз курулуш курса, ал беш жылдан алты жылга чейин эркинен ажыратылат. Ал эми убагында жерлерди мыйзамсыз басып алгандар менен соттошуп жатабыз", — деди Иманакун уулу.

Ал "Мурас-Ордо" конушунда мектептин ордуна мыйзамсыз салынган үй түрттүрүлгөндүгүн кошумчалады.