Иманакун уулу: борбордон алыс жайгашкан жаңы конуштар Чүй облусуна өткөрүлөт
Борбордон алыс жайгашкан жаңы конуштар Чүй облусунун карамагына өткөрүлөт. Бул тууралуу Бишкек мэриясынын Жер пайдалануу жана курулуш башкармалыгынын башчысы Талантбек Иманакун уулу Sputnik Кыргызстан радиосуна маек куруп жатып билдирди.
Анын айтымында, жарымы калаага, жарымы Чүй облусуна караган аймактар көйгөй жаратып келет.
"Бир башы Бишкек шаарына, аягы Аламүдүн районуна карап калган көчөлөр бар. Бүгүнкү күндө Чүй облустук администрациясы жана Бишкек мэриясы менен биргеликте комиссия түзүлгөн. Ага ылайык, бизге жакын жерлер Бишкекке карап, калаадан 20-30 чакырым алыстыктагы конуштар Чүй облусуна өткөрүлөт", — деди Иманакун уулу.
Ал учурда атайын комиссия маселени иликтеп жатканын кошумчалады.
