БИШКЕК, 6-окт. — Sputnik. Кыргызстанда түнкүсүн жана эртең менен Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде жана Кыргыз тоо кыркаларында жаан жаап, тоо этектеринде, тоолордо кар жаашы күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге чейин жетет.
Чүй өрөөнүндө 11…16 градус жылуу болсо, Таласта күн 10…15 градуска чейин жылыйт. Ош, Баткен жана Жалал-Абад облустарында 13…18 градуска чейин көтөрүлөт. Ал эми Ысык-Көл менен Нарында 7…12 градус жылуу болот.
Бишкекте жаан жаабайт, күндүн табы 12…14 градуска чейин жогоруласа, Ош шаарында түнкүсүн жаан жаап, күндүз 14…16 градус жылуу болот.
