БИШКЕК, 6-окт. — Sputnik. "Владимир Владимирович Путиндин жети атасынын келип чыгышы" деп аталган монография Хакасия менен Москванын окумуштуулары тарабынан түзүлүп, Абакан шаарында бет ачары өттү. Бул туурасында РИА Новости жазды.
Китепте Россия президентинин ата теги туурасында генеологиялык иликтөөнү россиялык окумуштуулар Владимир Могильников (Москва) жана Алексей Нилогов (Абакан) жүргүзгөн. Эмгек немецтик "LAMBERT Academic Publishing" басылмасынан чыккан.
"Окумуштуу-архивисттер тарабынан Владимир Путиндин жети атасына чейинки мурда белгилүү болбогон биографиялык маалыматтар топтолгон. Тагыраагы, Тверь облусундагы жана Санкт-Петербургдагы Борбордук архивдеги метрикалык жазуучуларды, чиркөөгө барып турганда кагазга түшүрүлгөн маалыматтарды жана эл каттоодогу документтерди пайдаланышкан", — деп айтылат маалыматта.
Тверь губерниясындагы Тверь уездинде XVIII-XX кылымда, ал эми XX кылымдын башында Санкт-Петербург шаарында жашаган Путиндер теги туурасында жүздөгөн алгачкы документтер биринчи ирет илимий жактан изилденген.
Хакасия башчысы бул монография "Россиянын тегин иликтеген генеологиялык изилдөө гана эмес деген пикирин билдирди. Анын айтымында, ата-тегин билүүгө кызыккан, өлкөнүн башка жашоочулары үчүн жакшы мисал.
