ТАШКЕНТ, 5-окт. – Sputnik. Эки өлкө ортосундагы тоскоолдуктарды жоюу боюнча бир катар тапшырмалар берилди. Бул тууралуу Өзбекстандын президенти Шавкат Мирзиёев Алмазбек Атамбаев менен болгон кеңири форматтагы жолугушуу учурунда билдирди.
КР президентинин 5-октябрда башталган иш сапары 6-октябрда аяктайт.
Мирзиёев өз сөзүндө бул жолугушуулар тарыхый мааниге ээ экендигин белгиледи.
"Дипломаттар керек болсо аксакалдар акыркы 25 жыл ичиндеги мындай жылуу мамилелерди эстей алышпаса керек. Бүгүн эки өлкө ортосундагы бардык тоскоолдуктарды жою боюнча көптөгөн тапшырмалар берилди", — деди Мирзиёев.
Ал ошондой эле акыркы жарым жылдын ичинде соода-сатыктын көлөмү 10 эсеге өсүп, кыргыз-өзбек форумунда 200 миллион долларлык келишимге кол коюлганын белгиледи.
