БИШКЕК, 5-окт. — Sputnik. Президент Алмазбек Атамбаев өзбек кесиптеши Шавкат Мирзиёев менен биргеликте эки өлкө ортосундагы бардык маселелерди жойгон лидер катары тарыхта калууга үмүт артарын билдирди.
КР президентинин 5-октябрда башталган иш сапары 6-октябрда аяктайт.
"Эки өлкө ортосундагы бардык көйгөйлөр менен маселелерди жоюп, достукту орноткон президент катары сиз менен биргеликте тарыхта калгым келет. Менин пикириме толугу менен кошуларыңызды көрүп турам", — деди Атамбаев кеңири форматтагы жолугушуу учурунда.
Ал ошондой эле бир айдын ичинде кесиптеши менен дагы бир ирет, мисалы Чолпон-Атада көрүшүүгө үмүттөнөрүн билдирди.
