БИШКЕК, 3-окт. — Sputnik. Улуттук коопсуздук мамлекеттик комитети террордук топторду жок кылуу боюнча ИИМ менен биргеликте жүргүзүлгөн иш-чаралардын жүрүшүндө эл аралык террордук уюмдун мүчөсүн кармашты. Бул тууралуу УКМКнын маалымат кызматы билдирди.
Ага ылайык, колго түшкөн жаран 20 жашта. 2016-жылы чет жакка чыгып, эл аралык террордук уюмдун эмиссарлары тарабынан үгүттөлгөн. Андан сырткары, Сирияга диверсиялык даярдыктан өтүү үчүн жиберилген.
Кийин ага Кыргызстанда көмүскө террордук уюм түзүү тапшырмасы берилген.
Анын жашаган жерин тинтүү учурунда ИЖ 58-20м үлгүсүндөгү мылтык табылган.
Кармалган кишиге карата кылмыш иши козголуп, УКМКнын убактылуу кармоочу жайына киргизилди.
