БИШКЕК, 3-окт. — Sputnik. Президенттикке талапкер Бакыт Төрөбаевдин тарапташтары КТРКга күч менен басып кирип, дебатка катышуу боюнча ою болбогонун билдиришти.
Белгилей кетсек, бүгүн, 3-октябрда КТРКнын башкы директору Илим Карыпбеков өзүнүн Facebook баракчасына "Бакыт Төрөбаевдин тарапташтары телефон чалып, КТРКнын бүгүнкү дебаттарына келишерин, керек болсо күч менен кирүүга аракет кылышаарын билдирүүдө" деп жазган.
Төрөбаев Facebook баракчасына "Биздин талапкердин шайлоо алдындагы штабы жана анын тарапташтарынын мындай мыйзамсыз кадамдарга барбай тургандыгын, тарапкерлердин, өкүлдөрдүн телефон аркылуу эч кимге "бүгүнкү дебаттарына келишерин, керек болсо күч менен кирүүсүн билдирген эместигин" жана бул аракеттер "үчүнчү" күчтөр тарабынан атайылап уюштурулуп жатат деп расмий түрдө билдиребиз" деп жазган.
Ошондой эле такталбаган чагымчыл маалыматты расмий түрдө тараткандыгы үчүн И.Карыпбековго КР Кылмыш-жаза кодексинин 329-беренеси "Кылмыш жасалгандыгы жөнүндө атайылап жалган билдирүү жасоо" кылмыш аракетинин белгилери боюнча чара колдонууну суранабыз деп Бишкек шаардык ички иштер башкармалыгынын жетекчиси, милициянын полковниги Сталбек Рахмановго арыз менен кайрылышкан.
