Кытайда кош бойлуу келин төрөтканадагы палатага жетпей лифтте төрөгөнүн The Daily Mail басылмасы билдирди.
Аталган окуя Шаньдун провинциясындагы Вэньшань аймагындагы ооруканада болгон. Ымыркайдын төрөлгөн учуру камерага түшүп калган. Видеодо көрүнгөндөй лифтеги кишилер аны бошотуп, кош бойлуу келин менен акушерди калтырышкан. Дарыгер төрөттү кабыл алары менен башка кесиптештери аял менен ымыркайды дароо палатага алып кетишкен.
Басылманын билдиришинче, аял экстремалдуу шартта төрөгөнүнө карабай ымыркай жабыркаган эмес.
