Зина Кабылбек кызы: жаңы чуркап баштагандар көп катачылык кетиришет
Жаңы чуркап баштагандар көп катачылык кетирет. Бул тууралуу "Күз деми" марафонун уюштургандардын бири, бир канча жылдан бери жарышка катышып жүргөн Зина Кабылбек кызы Sputnik Кыргызстан радиосуна маек куруп жатып билдирди.
Анын айтымында, организмди чуркоого акырындык менен көндүрүү зарыл.
"Жаңы чуркап баштагандар көп катачылык кетиришет. Мисалы, дароо эле катуу чуркап баштайт. Айрымдары 500 метрге чуркап кыйналса эле жакпайт экен деп таштап коюшат. Башында адамдын организми көнгөн эмес, ошондуктан кыйынчылыктар жаралат. Бирок акырындап көндүрсө болот", — деди Кабылбек кызы.
Ал эгерде чуркоо учурунда адамдын башы айланса таттуу нерсе жесе болорун кошумчалады.
