Нуркыз Рыскул кызы: жаңы сезон "Манастын уулу Семетей" спектакли менен башталат
Токтоболот Абдумомунов атындагы Кыргыз улуттук академиялык драма театры 3-октябрда 91-театралдык сезонун ачат. Бул тууралуу Sputnik Кыргызстан маалымат агенттигине театрдын адабий бөлүмүнүн жетекчиси Нуркыз Рыскул кызы билдирди.
Анын айтымында, жаңы сезон Жалил Садыковдун "Манастын уулу Семетей" спектакли менен башталмакчы.
"Манастын уулу Семетей" — тарыхый драма. Элдик эпостун негизинде жазылып коюлган бул пьеса бардык муундагы адамдарга, айрыкча жаштарга хрестоматиялык негизде көрүүгө зарыл чыгарма. Ал 30 жылдан бери коюлуп келет", — деди Рыскул кызы.
Ал театрда бир ай бою ар түрдүү спектаклдер коюлуп турарын кошумчалады.
