БИШКЕК, 26-сен. — Sputnik. Америкалык атактуу рэп аткаруучу Крис Браун өзүнүн соцтармактагы расмий баракчасына кыргызстандык бийчилер менен тартылган ролигин жүктөдү.
Анда кыргызстандыктар америкалык ырчынын "Pills & Automobiles" ырына бийлеп, #ChervyakDanceChallenge флешмобуна чыгарышкан. Алгач, аны "бийчи келин" Сайкал Жумалиева интернетке жүктөгөн.
Бийди ТНТ телеканалындагы "Танцы" деп аталган шоу-долбоордун катышуучулары Темирлан Назарбеков, эгиздер Омар, Эмир Асанбековдор, Instagram-блогер Сайкал Жумалиева, алар менен кошо белгилүү бийчилер Султан Шаршенов менен Эльназ Коксаева аткарышкан.
Браундун бөлүшкөн видеосун интернет айдыңында бир күн ичинде эле миллионго жакын адам көргөн. Ырчынын расмий баракчасына 40 миллиондон ашуун адам жазылган.
Ал эми автордун ролигинин баракчасынан 38 миң адам караган.
