БИШКЕК, 26-сен. — Sputnik. Бир жыл ичинде Кыргызстандын алтын запасы сом эквиваленти менен алганда 3 миллиард сомго көбөйгөнү тууралуу маалымат Улуттук банктын сайтына жарыяланды.
Өлкөнүн эл аралык валюта резерви он чакты валюта түрүнөн жана алтындан турат. Ал эл аралык төлөмдөрдү ишке ашыруу, төлөм балансынын таңкыстыгын жабуу жана улуттук валютанын курсун турукташтыруу үчүн пайдаланылат.
Былтыркы жылдын 31-августуна карата мамлекеттин алтын запасы 12 миллиард 927,3 миллион сомду түзсө, быйыл 16 миллиард 13 миллион сомго жеткен. Демек, был жыл ичинде запас 3 миллиард 85,7 миллион сомго көбөйгөн.
