БИШКЕК, 12-сен. — Sputnik. Чет жакта иштеген эмгек мигранттары биринчи жарым жылдыкта Кыргызстанга 1 миллиард 319,2 миллион доллар жөнөткөн. Бул тууралуу Улуттук банк билдирди.
Былтыр бул көрсөткүч 1 миллиард 35,6 миллион доллардын чегинде болчу. Демек, каражаттын көлөмү 300 миллионго өскөн.
Маалыматка ылайык, Россиядан 1 миллиард 295 миллион доллар (былтыр ушул маалда — 1 миллиард), Казакстандан 2,4 миллион доллар келген. Калган акча алыскы чет өлкөдөн которулган.
Ар кыл маалымат боюнча чет жакта жарым миллиондон бир миллионго чейин кыргызстандык мигрант эмгектенип келет. Анын 80 пайыздан ашыгы Россияда.
