Войтышина Кыргыз улуттук университетинин орус филологиясын аяктаган. Бирок окууну бүткөн жылы орус тилчи мугалимдерге муктаждык аз болгондуктан мектеп директорунун сунушу менен кыргыз тилчи болууну чечкен.
"Кесибим орус тилчи болгону менен бир дагы жолу орус тилинен сабак өткөн эмесмин. Мага кыргызча сабак өтүү оңой. Жөндөмөлөрдү өздөштүрүп алса эле маек курууга болот. Кыргыз тили өлкөнүн булуң-бурчунда окутулуп эле жатат. Бирок өзүнүн татыктуу баасын ала элек", — деди Войтышина.
Мугалимдин кыргыз тилинде катыра сүйлөп, жүздөгөн балага эне тилди үйрөтүүсү, албетте, көпчүлүктү таң калтырат. Өзүнүн айтымында, Суусамырда төрөлүп өскөндүгү тил үйрөнүүгө чоң көмөкчү болгон.
Бирок окутуучу Людмила Войтышина үй-бүлө мүчөлөрү орус, жолдошу да орус улутунан. Буга чейин Кара-Балтадагы мектепте мугалим, Жайыл районунун билим берүү бөлүмүндө башкы адис болуп эмгектенген. Быйыл кыздарынын окуусуна карап борборго көчүп келип, Панфилов атындагы №6 мектеп-гимназиясында эмгектенип жатат.
