Шайлдабекова: негизги милдетибиз — жарандардын шайлоо укугун ишке ашыруу
Шайлдабекова: негизги милдетибиз — жарандардын шайлоо укугун ишке ашыруу
Борбордук шайлоо комиссиясы жарандардын шайлоо укуктарын ишке ашыруу үчүн бардык аракетин көрүүдө. Бул тууралуу аталган комиссиянын төрайымы Нуржан Шайлдабекова президенттик шайлоого арналган Коопсуздук кеңешинин жыйынында билдирди.
Анын айтымында, президенттик шайлоо ачык-айкын өтөт.
"Учурда шайлоого даярдык бекитилген календарлык план менен жүрүп жатат. Борбордук шайлоо комиссия өз алдынча башкаруу органдары менен биргеликте өз ишин улантууда. Эркин, айкын шайлоо өткөрөбүз. Негизги милдетибиз — жарандардын шайлоо укуктарын ишке ашыруу", — деди Шайлдабекова.
Ал алдын ала түзүлгөн тизме боюнча шайлоочулардын саны 2 миллион 914 миң 586га жеткенин, дагы тактоолор болорун кошумчалады.
