Кыргызстандык эгиздер ТНТ каналынын бий сынагында калыстарды таң калтырды. Видео

Жазылуу
Эгиз бийчилер — Hustle Twinz бий тобунун негиздөөчүлөрү. Алар кастингде хип-хоп стилиндеги бийди тартуулашкан.

Награждение победителей конкурса фотожурналистики им. А. Стенина - Sputnik Кыргызстан
Sputnik Кыргызстандын фото кабарчысына эл аралык сынакта сыйлык тапшырылды
Жекшемби күнү кечинде ТНТ телеканалынын "Танцы" долбооруна катышкан кыргызстандык эгиз балдар Ома жана Эмир Асанбековдор эфирден көрсөтүлдү. Алардын видеосу теледолбоордун "ВКонтакте" тармагындагы расмий баракчасына дагы жарыяланган.

Эгиз бийчилер — Hustle Twinz бий тобунун негиздөөчүлөрү. Алар кастингде хип-хоп стилиндеги бийди тартуулашкан. Телешоунун калысы белгилүү ырчы Ольга Бузова кыргызстандык эгиздерге абдан суктанган.

"Башкалар эмне дейт билбейм, бирок силер мыктысыңар! Мага бийиңер абдан жакты. Бири-бириңерге аябай окшош экенсиңер, ошол эле учурда силерде карама-каршылык, атаандаштык сезилип тургандай", — деди Бузова.

Тайбоксер из Кыргызстана Валентина Шевченко - Sputnik Кыргызстан
Шевченко лезгинканы катыра бийлеп көрүүчүлөрдүн көзүн күйгүздү. Видео
Андан кийин Бузова өзүнүн "Мало половин" атуу ырындагы бий кыймылдарын аткарып берүүнү суранганда сынак катышуучулары ошол жерден бийлеп берип кубандырышты.

"Силер аябай жүрөктү элжиреткен жана шайыр балдар экенсиңер! Бийде биз менен бирге болгула", — деди калыстардын мүчөсү Татьяна Денисова.

Бийчилер Sputnik Кыргызстан агенттигинин кабарчысына бул сынакка май айынан бери катышып жатканын айтты.

"Башында кастингдин алдындагы тандоого катышып, андан тандоо туруна өттүк. Ошентип кечээ эфирге чыккан "Шаардагы кастинг" этабына чыга алдык. Эми алдыда долбоорго катышуучуларды тандоо этабы турат", — дешти Ома менен Эмир Асанбековдор.

Эгиз балдар 12 жашынан бери бий менен алектенет. Учурда Туризм академиясында окуушат.

Жаңылыктар түрмөгү
0