БИШКЕК, 8-сен. — Sputnik. Кыргызстандын оор атлетика боюнча курама командасы дүйнө чемпионатына катышууга даярданууда. Бул тууралуу Оор атлетика федерациясынын вице-президенти Улан Молдодосов Sputnik Кыргызстан агенттигине билдирди.
5 Аяк оона 2017, 16:50
Анын айтымында, дүйнө чемпионаты ушул жылдын ноябрь айында АКШда өтөт. Ага Кыргызстандын атынан үч же төрт спортчу барат.
Эске салсак, 2016-жылы Рио-де-Жанейродо өткөн Олимпиадага Кыргызстандан 19 спортчу катышкан. Алардын ичинен байгелүү орунга Иззат Артыков гана жетип, коло медаль тагылды. Бирок, 18-августта спорт арбитраждык соту Дүйнөлүк допинг агенттигинин (WADA) маалыматына таянып аны байгесинен ажыраткан. Маалыматка ылайык, Артыковдун анализдеринен тыюу салынган стрихнин заты табылган.
