БИШКЕК, 2-сен. — Sputnik. Кыргызстандык теннисчи Ксения Палкина Shymkent International турнирине катыша турганы Эл аралык теннис федерациясынын сайтына жарыяланды. Маалыматта мелдеш 18-24-сентябрь күндөргө белгиленгени жазылат.
18 спортчу турнирди негизги айлампадан баштайт. Дагы 26 спортчу квалификациялык раунддан өтүшү керек.
Азырынча Палкинанын атаандаштары аныктала элек. Мелдештин байге фондусу 15 миң долларды түзөт.
