БИШКЕК, 31-авг. — Sputnik. Өз кесиби боюнча ийгилик жаратып жүргөн инсандар Жалал-Абадга барып студенттерга семинар өтөт. Бул тууралуу уюштуручулардын бири Бектур Токтоноев билдирди.
Аталган иш-чараны Жалал-Абад облусунун жаштарынын демилгеси жана президенттин аппаратына караштуу "Ыйман" фондусунун колдоосу менен уюштурулууда.
Анын алкагында белгилүү ортопед Сабырбек Жумабеков, "Ыйман" диний маданиятты өнүктүрүү фондусунун төрагасы Нуржигит Кадырбеков, "KG Групп" курулуш компаниясынын жана коомдук фондусунун президенти Имамидин Ташов, юрист Жоомарт Жолдошев шаардагы окуу жайларга барып студенттерге лекция окуйт. Тренерлер ар бир окуу жайга бирден бөлүнөт.
Лекция 9-сентябрь күнү университеттерде саат 9.30да өтүп, жыйынтыктоочу иш-чара саат 12.00дө "Барпы" театрында уланмакчы.
