БИШКЕК, 25-авг. — Sputnik. Кыргызстандын футбол боюнча курама командасы өзбекстандык атаандаштарынан утулуп калганын Футбол федерациясы билдирди.
Беттеш “Бунедкор” стадионунда өтүп, 5:0 эсебинде аяктады.
25 Баш оона 2017, 17:03
Буга чейин командалар техникалык схемаларды так иштеп чыгышы үчүн таймаш күйөрмандарсыз өтөрү айтылган. Өзбекстан 2018-жылы Россияда өтө турган дүйнө чемпионатынын жолдомосу үчүн ат салышса, Кыргызстан 2019-жылы өтчү Азия Кубогунун кваликациялык оюндарында күч сынашып жатат.
Футбол федерациясы улуттук команданын курамында жаңы оюнчулар болорун, чет элдик клубдар үчүн ойногон футболчулар болбой турганын айткан.
Ал эми 5-сентябрь күнү Кыргызстандын командасы өз үйүндө Мьянманын оюнчуларын кабыл алмакчы.
FIFA уюмунун июлдагы рейтинги боюнча Өзбекстан 64-орунда турса, Кыргызстан 128-сапка илинген.
