Исаков: программабыз өлкөнүн туруктуу өнүгүү стратегиясына төп келет
Өкмөттүн жаңы программасы өлкөнүн туруктуу өнүгүү стратегиясына шайкеш келет. Бул тууралуу премьер-министрликке талапкер Сапар Исаков депутаттардын суроолоруна жооп берип жатып билдирди.
Ал "Таза коом" программасынын алкагында жол кырсыгын азайтуу боюнча бир топ иштер жасаларын айтты.
"Жаңы доорго кырк кадам" программасын жөнөкөй кылдык. Аны Кыргызстандын ар бир жараны түшүнөт. Буюрса бул программа ишке ашаарына толук ишенем. Программаны бир ай жаздык. Мында негизги көйгөйлөрдү чечүү каралган. Программабыз өлкөнүн туруктуу өнүгүү стратегиясына шайкеш келет", — деди Исаков.
