БИШКЕК, 24-авг. — Sputnik. Ушул тапта Астанада көк бөрү боюнча болуп жаткан дүйнөлүк чемпионатта Кыргызстан Тажикстандын командасын 15:2 эсеби менен жеңип алды.
"А" тайпасындагы командалардын ичинде Кыргызстан менен Тажикстандын улакчылары буга чейинки үч оюнда тең жеңишке жеткен.
21-августта башталган оюндар 27-августта аяктайт. Ал Астананын "Казанат" ат майданында өтүүдө. Ага 11 өлкө катышып жатат. "А" тайпасында Кыргызстан, Түркия, АКШ, Өзбекстан, Монголия жана Тажикстан кирген. Ал эми "В" тайпасында Казакстан, Россия, Венгрия, Кытай жана Афганистан бар.
