БИШКЕК, 24-авг. — Sputnik. Бишкек милициясы Кайгуул милициясын коркутуп, изин жашырып кеткен төрт кишини издөө үчүн бардык күчүн жумшап жатат. Бул тууралуу Ички иштер министрлигинин маалымат кызматы билдирди.
Кийин "Перехват" планы жарыяланып, шектүүлөр издөөгө алынды. Машина Көк-Жар конушундагы Кулмырзаев көчөсүнөн табылып, анын ичинен эксремисттик маанайдагы китептер жана уюлдук телефон алынган.
Жергиликтүү тургундар таңкы саат 4:30дар чамасында ызы-чуу угушкан. Дал ушул маалда издөөгө алынгандар өздөрүнүн машинасын таштап, башкага түшүп кетиши мүмкүн экенин айтышууда.
Ал эми саат 6:30дар чамасында окуя болгон жерге укук коргоо органдарынын беткапчан кызматкерлери келип, машинаны тинтүүгө алып, тургундарды үйлөрүнөн чыгарышкан эмес.
Бир сааттан кийин гана сыртка чыгууга уруксат берип, жашоочуларды суракка алышкан. Токтоп турган машинаны эч ким тааныган эмес. Тургундар тартип сакчылар бир катар кишинин үйүн тинтүүгө алып, машинаны алып кеткенин айтышты.
