БИШКЕК, 22-авг. — Sputnik. Террорчулукка каршы багытталган иш-чаралардын натыйжасында эл аралык террордук топтун КМШ мамлекеттеринен чыккан эки согушкери кармалды. Бул тууралуу Улуттук коопсуздук боюнча мамлекеттик комитеттен билдиришти.
Маалыматка ылайык, кармалган чет элдик жарандар Сириядагы террордук топтордун согушкерлерине тиешеси бар деп шектелип издөөгө алынган. Алар Кыргызстанга из жашыруу максаты менен келген. Согуштук аракеттер жүрүп жаткан Сирияга баруу үчүн кармалгандарга КМШ жарандарынын паспорту жасап берилгени да белгилүү болду.
Шарт-талапка ылайык, колго түшүрүлгөндөр өнөктөш мамелкеттердин тийиштүү органдарына өткөрүп берилди.
