УКМК: Кыргызстанда теракт уюштуруу аракеттери күчөдү

© Sputnik / Табылды КадырбековПоиски беглого заключенного в районе рынка "Дордой
Поиски беглого заключенного в районе рынка Дордой - Sputnik Кыргызстан
Жазылуу
Коркунучту уюштуруучулардын бири катары "Жамаат таухидва Жихад" эл аралык террордук уюму эсептелүүдө

БИШКЕК, 18-авг. — Sputnik. Кыргызстандын аймагында террордук жана диверсиялык актыларды уюштуруу аракеттеринин күчөгөндүгүнө байланыштуу Улуттук коопсуздук мамлекеттик комитети (УКМК) коомчулукту сак болууга чакырып, атайын кызматтар менен укук коргоо органдарына көмөк көрсөтүүгө чакырат.

"Эгерде кандайдыр бир шектүү адамдарды жана фактыларды байкаган болсоңуз, токтоосуз түрдө УКМК менен ИИМдин нөөмөт кызматтарына, же болбосо ички иштер органдарынын жакынкы бөлүмдөрүнө билдириңиз", — деп айтылат билдирүүдө.

Айыпталуучу. Архив - Sputnik Кыргызстан
Сириядан Кыргызстанга теракт уюштурганы келген үч киши соттолду
Маалыматка ылайык, террордук коркунучту уюштуруучулардын бири катары "Жамаат таухидва Жихад" эл аралык террордук уюму эсептелүүдө. Бул уюмдун башында 2016-жылы 30-августта Кыргызстандагы Кытай элчилигиндеги теракт уюштурган деп шектелип, эл аралык издөөгө алынган Сирожиддин Мухтаров турат. Ошондой эле издөөдөгү Бурханидин Жантораев, Ильяс Сабиров жана башка адамдар уюмдун катарында бар. Учурда алар Сирия жана Түркиянын аймагында жашырынып жүрөт.

Жаңылыктар түрмөгү
0