БИШКЕК, 15-авг. — Sputnik. Өлкө боюнча курулуп жаткан билим берүү объектилеринин 66сы сентябрь айынан кийин колдонууга берилет. Бул тууралуу Турак жай жарандык курулуш департаментинен кабарлады.
Маалыматка ылайык, 1-сентябрда 14 мектеп колдонууга берилет. Ал эми учурда өлкө боюнча 80 билим берүү объектисинде курулуш иштери жүргүзүлүп жатат. Алардын ичинде 16 спорт зал, 32 окуу корпусу жана алты бала бакча бар.
Мекемеден кабарлагандай, мектептердин колдонууга кечиктирип берилиши каржынын өз убагында бөлүнбөгөндүгү жана курулуштун кеч башталышынан улам болууда.
"Сентябрда 14, октябрь айында 13, ноябрда 20 жана жыл соңуна чейин 33 билим берүү объектисин пайдаланууга берүү пландалып жатат. Өз мөөнөтүндө берилбей калышына биринчиден курулуш ишиндеги кыйынчылыктар, экинчиден каржынын кечиктирилиши себеп болду",— деп айтышты департаменттен.
2017-жылы социалдык мекемелерди куруу жана оңдоо үчүн мамлекеттик казынадан беш миллиард сомдон ашык каражат каралган.
