Ибраев: мүмкүнчүлүгү чектелгендердин 450 чакырымды велосипед менен өтүшү эрдик
Мүмкүнчүлүгү чектелген адамдардын 450 чакырымды велосипед менен басып өтүшү эрдик. Бул тууралуу Жогорку Кеңештин аппарат жетекчиси Самат Ибраев маалымат жыйын учурунда билдирди.
Эске сала кетсек, мүмкүнчүлүгү чектелген адамдар Алматы шаарынан тарта Бишкекке чейин велосипед менен жүрүш жасашты.
"Кыргызстанга Алматыдан мүмкүнчүлүгү чектелген адамдардын велосипед менен келиши бизди абдан кубантты. Силердин 450 чакырымды велосипед менен басып өтүшүңөр мактоого татыйт. Бул эрдик. Бишкекке чейин келип, бизге дух, дем бердиңиздер", — деди Ибраев.
Ал мындай иш-чаралар эки өлкөнүн достугун бекемдей тургандыгын кошумчалады.
