БИШКЕК, 10-авг. — Sputnik. Баткен облустук соту Эл аралык террордук уюмдун үч мүчөсүн соттогонун УКМКнын маалымат кызматынан билдиришти.
УКМК тарабынан колго түшүрүлгөн бул адамдар КР Кылмыш жана жаза кодексинин 168, 375, 241, 346, 350 жана 299-беренелери менен айыпталып, 12 жылдан 15 жылга чейин эркинен ажыратылды. Мындан тышкары, соттолуучулардын мүлкүн конфискациялоо чечими дагы кабыл алынды.
"Террордук уюмдун бул мүчөлөрү Сирия жана Иракта аскердик даярдыктан өтүп, Кыргызстанда терактыларды уюштуруу максатында кайтып келгени аныкталган", — деп айтылат билдирүүдө.
Ошондой эле алар кармалган учурда жанынан Калашников автоматы, гранаталар, ар түркүн калибрдеги ок-дарылар, террористтик жана экстремисттик мүнөздөгү адабияттар менен байланыш каражаттары табылган.
