БИШКЕК, 10-авг. — Sputnik. Чеченстандын президенти Рамзан Кадыров өзүнүн Instagram баракчасына Багдаддагы балдар үйү тууралуу видеону жарыялады. Анда КМШ өлкөлөрүнүн балдары тууралуу баяндалат. Алардын ата-энелери "Ислам мамлекети" террордук уюмунун катарына кошулуп, балдарын таштап салган.
Кадыров балдардын туугандары аларды таанып, дарек боюнча кайрылат деген үмүттө.
"Russia Today телеканалынын жетекчиси Маргарита Симоньяндын суранычы боюнча видеороликти жарыялап жатам. Видео Багдаддагы балдар үйүндө тартылган. Андагы балдар орусча сүйлөйт. Алардын ата-энеси жок. Аттарын да билишпейт, бирок коркуу, өлүм деген нерсе аларга тааныш. Балким бул балдарды кимдир бирөөлөр тааныйт… Эгер таанысаңыз же кандайдыр бир маалымат билсеңиз children@rttv.ru дарегине кат жазгыла", — деп Кадыров жазып чыкты.
Россиянын балдар укуктары боюнча өкүлү Анна Кузнецованын айтымында, согуш болуп жаткан Сирия, Ирак жана башка аймактарда бойго жете элек 400дөй бала бар. Кадыров балдарды мекенине кайтарууда бир топ кыйынчылыктар бар экенин айтып, алардын негизгиси документ маселеси экенин билдирген.
