БИШКЕК, 10-авг. — Sputnik. Бишкек шаарынын көп жерлерине гүлдөр отургузулуп жатканын мэриянын маалымат кызматы билдирди.
Көз жоосун алган гүлдөрдүн топтому төмөнкү көчөлөрдө пайда болду:
- Ибраимов — Жумабек;
- Жукеев-Пудовкин — Аалы Токомбаев;
- Бөкөнбаев — Манас;
- Ауэзов көчөсү;
- Жеңиш аянты;
- Курманжан датка — Салиев көчөлөрү.
Гүлдөрдү "Зеленстрой" муниципалдык ишканасынын 100дөн ашык кызматкери отургузган. Бул багытта дагы аракеттер жүрөт.
Негизинен аталган аймактарга бир жылдык хризантема, агератум, сальвия, катарантус, бегония, циния, партулак, гациния, георгина сыяктуу 50 миңден ашык гүл отургузулган.
Шаардык кызматтын өкүлдөрү гүлдөрдү карап, сугарып турат.
