БИШКЕК, 9-авг. — Sputnik. Чүй облусунун Ысык-Ата районундагы Ново-Покровка айылында балык уулап жүрүп, Чоң Чүй каналына түшүп кеткен 30 жаштагы кишини издөө учурунда куткаруучулар 20 жаштагы азиат улутундагы кыздын сөөгүн табышкан. Бул тууралуу ӨКМдин маалымат кызматы билдирди.
Аны РИИБ кызматкерлерине өткөрүп беришкен. Маркум кыздын аты-жөнүн милиция тактап жатат.
Андан сырткары, ушул эле айылда 34 жаштагы киши 3-августта Чоң Чүй каналына секирип кеткен, анын сөөгү 8-августта табылып, милицияга өткөрүп берилди.
Ал эми 7-августта Ош шаарындагы Альплагерь эс алуу борборунун жанындагы "Южный" каналына 11-12 жаштагы эки бала агып кеткен. Куткаруулар тарабынан издөө иштери жүргүзүлүп, каналдан таап, балдардын сөөгүн туугандарына өткөрүп беришкен.
