БИШКЕК, 8-авг. — Sputnik. Борбор калаада Казакстандын шоу дүйнөсүнүн өкүлү Баян Есентаева китебинин бет ачарын өткөрөт. Бул туурасында Sputnik Кыргызстан агенттигине иш-чаранын уюштуруучулары кабарлашты.
Казакстандык теле алып баруучу менен каалоочулар бейшемби күнү "Vefa Сentеr" соода борборунда саат 17.00дө жолуга алат.
Иш-чара андан ары уланып, Есентаева менен жакыныраак көрүшүүнү каалагандар 2000ден 5000 сомго чейин төлөп, борбор калаадагы ресторандардын бирине өтө турган кечеге күбө болот.
Есентаеванын "Баян. Обо мне и не только" деген аталыштагы китеби июлда 20 миң нуска менен сатыкка чыккан.
Эске салсак, былтыр 10-июнда белгилүү продюсер Баян Есентаева катуу сабалып жана бычакталып ооруканага түшкөн.
