БИШКЕК, 5-авг. — Sputnik. Бишкектеги Тез жардам кызматынын педиатрлары түрдүү түстөгү жаңы формалуу болушту. Бул тууралуу Саламаттык сактоо министрлигинин маалымат кызматы билдирди.
Педиатр Акыл Көзүрбеков Тез жардам кызматында май айынан бери иштей баштаган. Ал өз сөзүндө адамдардын өмүрүн сактоо аракети учурунда бир нерсе жетишпей жүргөнүн сезгенин айтат. Ал балдардын "Помогать легко" коомдук фондунун директору Динара Аляевага кат жазган.
"Бул биздин педиатрлардын жасаган ишине ыраазычылыгыбыз. Дарыгерлер керектүү жабдууларды сатып алууга жардам сурашкан. Бирок, азарынча алардын жайкы формасы үчүн гана каражат таба алдык. Түрдүү-түстөгү 50 форманы цехтердин бири тигип берди", — деди Аляева.
Тез жардам станциясынын педиатр бөлүмүнүн башчысы Анара Чынгужоеванын айтымында, балдар дарыгерлерден коркпошу үчүн формалар атайын түрдүү-түстө тигилген.
