БИШКЕК, 28-июл. — Sputnik. Борбордук шайлоо комиссиясына 28-июлда төрт талапкерден арыз келип түшкөн. Алардын арасында "Кыргызстан" фракциясынын депутаты Канат Исаев менен журналист Турат Акимов бар.
Ошентип 28-июлга карата президенттикке талапкерлигин көрсөткөндөрдүн саны 46га жетти.
Өзүн-өзү көрсөткөндөр 35 киши болсо, партия тарабынан 11 киши көрсөтүлгөн.
Президенттик шайлоо 2017-жылдын 15-октябрына белгиленген. Кыргызстандын президенти алты жылга шайланат. Ага эки ирет удаасы менен мамлекет башчы болууга укук берилбейт.
