БИШКЕК, 28-июл. — Sputnik. Ишемби күнү Ысык-Көл, Нарын облустарынын айрым жерлеринде жамгыр жаап, калган аймактарда күн ачык болот. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Чүй менен Талас өрөөнүндө 31…36 градус, Ош, Жалал-Абад жана Баткенде 33…38 градус, Ысык-Көл, Нарын облустарында 26…31 градус ысык болот.
Ош калаасы менен Бишкекте жаан-чачын күтүлбөйт. Абанын температурасы 38 градуска чейин ысыйт.
