БИШКЕК, 24-июл. — Sputnik. Белгилүү америкалык сууда сүзүүчү, Олимпиаданын 23 жолку чепмпиону Майкл Фелпс жүз метрлик аралыкта акула менен жарышты. Бул тууралуу BBC жазып чыкты.
Спортчунун акула менен жарышкан видеосу жакынкы күндөрү Discovery каналынан көрсөтүлөт.
Маалыматка ылайык, Фелпс канчалык ылдам сүзгөндүгүнө карабастан (саатына 10 чакырым) баары бир акула өзүнүн мыктылыгын далилдеген (саатына 40 чакырым).
Майкл Фелпс ылдамдыкты көбөйтүү үчүн бутуна монофин (эки бутка тагылып, сууда сүзүүдө жардам берет) тагып, коопсуздукту сактоо максатында акула сүзгөндөн кийин гана сууга түшкөн.
