БИШКЕК, 20-июл. — Sputnik. Кыргызстандык балбандар Таиланддагы Азия чемпионатында күч сынашат. Бул тууралуу өлкөнүн күрөш федерациясы билдирди.
Маалыматка ылайык, 20-июлдан 23-июлга чейин Бангкок шаарында грек-рим, эркин жана кыздар арасындагы күрөш боюнча Азия биринчилиги өтөт. Мелдеште өлкө намысын 26 спортчу коргойт. Алардын 20сы эркек балдар жана алтоо кыздар арасында күч сынашат.
Жалпы чемпионатка Кыргызстандын атынан 35 адамдан турган делегация барат.
