БИШКЕК, 17-июл. — Sputnik. Финансы рыногун жөнгө салуу жана көзөмөлдөө мамлекеттик кызматы Кыргызстанга инфраструктуралык облигация түшүнүгүн киргизүүнү сунуштап жатат.
Мындай кадамдар коомдук талкууга коюлган "Баалуу кагаздар жөнүндө" мыйзамына өзгөртүү киргизүүнүн алкагында жүргүзүлүүдө.
Аталган мекеме жаңы облигация түрү мамлекеттик жеке өнөктөштүк келишиминин негизинде бийлик тарабынан кепилдик камсыздала тургандыгын белгилейт.
Ошондой эле ал инвесторлор менен жергиликтүү ишкерлердин Кыргызстанда иштөөсү үчүн кошумча түрткү болот.
