БИШКЕК, 12-июл. — Sputnik. Борбор Азиядагы Америка университетинин студенти Арина Тургунбекова Британиянын The Voice UK телешоусуна катышууда. Бул тууралуу маалымат окуу жайдын расмий сайтына жарыяланды.
Ал өзүнүн ырдагандарын видеого тартып жиберип, конкурстан өтүп кеткен.
"Биринчи турда бизди 12 кишиден турган топторго бөлдү. Биз ырды музыкасыз аткарышыбыз керек болчу", — деди ал.
Тургунбекова биринчи турдун өткөн беш кишинин катарына кирген.
"Экинчи турда эки ырды музыканын коштоосунда аткарышыбыз керек болчу. Мен өзүмө жаккан эки ырды аткардым. Менин ырдаганым аларга да жакты деп ойлойм", — деди ал.
Эми кыргызстандык студент кыз экинчи турдун жыйынтыгын күтүүдө. Ал август айында белгилүү болот.
Арина учурда Liberal Arts and Science факультетинде Mathematics and Science багыты боюнча экинчи курста окуйт.
