БИШКЕК, 4-июл. — Sputnik. Ракка шаарына барып, "Ислам мамлекети" террордук тобуна кирип кеткен британиялык Салли Жонс каалоосу күч болгону менен үйүнө келе албай жатат. Бул туурасында РИА Новости Sky News телеканалына шилтеме берип жазды.
Ум Хусейн Британийя же болбосо "ак жесир" деп аталган Салли Жонс ошол кезде Жунаид Хусейн аттуу имигрантты жакшы көрүп калып, ислам динин кабылдап, аны менен Сирияга кошо кеткен. Ал жактан экөө тең "Ислам мамлекети" террордук уюмуна кирип кеткен.
Жонс уулун да Раккага алып кеткен. 2015-жылы күйөөсү абадан жасалган сокку учурунда каза болгон.
"Ал ыйлап, жалбарып Британияга кеткиси келип жаткандыгын айтты. "Ислам мамлекети" ал аскер кишисинин аялы болгондуктан бул мүмкүн эместигин айтышты", — деп телеканалга Саллинин курбусу айтып берген.
Салли Жонско учурда эл аралык издөө жарыяланган.
