БИШКЕК, 23-июн. — Sputnik. Иракта канадалык снайпер согушкерди 3 чакырым 450 метр алыстыктан атып рекорд койду. Бул тууралуу BBC Globe and Mail басылмасына шилтеме берүү менен жазды.
Басылманын билдиргенине караганда аскер кызматкерлеринин экинчи бириккен ыкчам тобу "Ислам мамлекети" (ИМ Кыргызстан аймагында тыюу салынган) уюмунун согушкерлерин McMillan TAC-50 үлгүсүндөгү снайпер менен 10 секундда окко учурган.
Канаданын күч түзүмдөрүнүн бул соккусу "Ислам мамлекетинин" согушкерлеринин Иракка карай чабуулун токтото алган.
"Снайпер кыйла эле алыс турган, согушкерлер мындай болуп кетерин күткөн эмес. Анын окко учканы видеого түшүп калган", — деп басылмада жазылган.
Буга чейинки рекорд британиялык снайпер Крейг Хариссонго таандык болчу. Ал 2009-жылы 2 чакырым 475 метр алыстыктан "Талибан" уюмунун согушкерин аткан. Анда L115A3 Long Range Rifle снайпери менен 6 секундда атып жок кылган.
