БИШКЕК, 30-июн. — Sputnik. Ош базарында майда соода объектилерин алуу боюнча иштер жүрүп жатканын борбор калаанын мэриясы билдирди.
Иш-чара өрт өчүрүүчү жана атайын унаалардын эркин өтүшүн камсыздоо жана тартипти сактоо максатында жүргүзүлгөн.
Буга чейин базардын аймагында тактикалык машыгуулар өтүп, өрт өчүрүү техникасынын өтүүсү бир топ татаал экени аныкталган. Мындан улам соода жайларынын жетекчилерине кыска мөөнөттө аталган аймакты өз калыбына келтирүү тапшырмасы берилген.
