БИШКЕК, 10-июн. — Sputnik. Ысык-Ата районунда адам өмүрүн алган жол кырсыгы болгондугун Sputnik Кыргызстандын кабарчысына Чүй ОИИБнин Кайгуул милициясынын маалымат кызматы кабарлады.
Окуя 9-июнь күнү 11.00 чамасында Жетиген айылынын жанында болгон. Анда жүк ташуучу унаа менен "Жигули" сүзүшкөн.
"Унаалар бетме-бет кагышкан. Анын кесепетинен жеңил унаанын айдоочусу алган жаракатынан кырсык болгон жерде көз жумган", — дешти маалымат кызматтан.
Кырсык боюнча тергөө иштери аткарылып, тиешелүү экспетизалар дайындалды.
