БИШКЕК, 7-июн. — Sputnik. Казакстандагы БТА банкынын мурдагы башчысы Мухтар Аблязов мамлекеттер аралык издөөдө жүргөндүктөн Алматынын атайлаштырылган райондор аралык соту аны сыртынан 20 жылга кести. Бул тууралуу Sputnik Казакстан маалымат агенттиги билдирди.
Мамлекеттин карамагына өтө турчу мүлктөрдүн катарында Алматы шаарынын Горная көчөсүндөгү үйлөрү, Nissan үлгүсүндөгү машинасы жана "БТА Банк" акционердик коомундагы жеке эсеби бар.
Мурдагы банкирдин жаза мөөнөтү камакка алынган күндөн тарта эсептелет.
Аблязов 2009-жылдан бери из жашырып жүрөт, алдын ала маалымат боюнча Францияда жашап келет. Ал БТА банктын акчаларын уурдап, кылмыштуу топ түзгөн, кызмат абалынан кыянаттык менен пайдаланып уурдалган каражатты адалдаган деп айыпталган.
Соттолгондордун арасында БТА банктын топ-менеджментинде иштегендер — БТА банктын төрагасынын мурдагы орун басары Жаксылык Жаримбетов, насыялоо боюнча мурдагы директор Кайрат Садыков жана башкармалыктын мурдагы төрагасы Садуакас Мамеш сот жообуна тартылды. Алардын баары ири өлчөмдө акча уурдаган деп айыпталууда.
Жаримбетов менен Мамеш эркинен шарттуу түрдө беш жылга ажыратылды. Садыков 15 жылга кесилип, сот залынан камакка алынды.
Белгилей кетсек, Аблязов 2005-жылы Кыргызстанда болгон революцияларды каржылаганын Франциянын Liberation басылмасына берген маегинде маалымдаган.
