БИШКЕК, 31-май — Sputnik. Сочи шаарында 11-октябрда КМШга мүчө мамлекет башчылар кеңешинин жыйыны өтөт. Бул тууралуу Sputnik Белоруссия маалымат агенттиги шериктештиктин аткаруучу комитетинин жетекчиси Сергей Лебедевге таянуу менен билдирди.
"КМШ өлкөлөрүнүн президенттеринин администрациясынын каалоолорун эске алуу менен мамлекет башчылар кеңешинин жыйынында эң маанилүү гана маселелер каралат", — деди Лебедев.
Анын айтымында, 10-октябрда Сочиде КМШ өлкөлөрүнүн министрлер кеңешинин жыйыны өтөт. Анда ошондой эле 26-майда Казань шаарында өткөн өкмөт башчылар кеңешинин жыйынынын жыйынтыгы чыгарылат.
